सोमेश्वर सहकारी साखर कारखाना निवडणूकीसाठी ८०.७३ टक्के मतदान, २५ हजार ६७७ सभासदांपैकी सुमारे २० हजार ७२९ सभासदांनी मतदानाचा हक्क बजावला ; गुरुवारी निकाल
कोणत्या पॅनलला कौल दिला हे गुरुवारी होणाऱ्या मतमोजणीत स्पष्ट होणार
सोमेश्वर सहकारी साखर कारखाना निवडणूकीसाठी ८०.७३ टक्के मतदान, २५ हजार ६७७ सभासदांपैकी सुमारे २० हजार ७२९ सभासदांनी मतदानाचा हक्क बजावला ; गुरुवारी निकाल
कोणत्या पॅनलला कौल दिला हे गुरुवारी होणाऱ्या मतमोजणीत स्पष्ट होणार
बारामती वार्तापत्र
सोमेश्वर सहकारी साखर कारखान्याच्या निवडणुकीसाठी आज मतदान प्रक्रिया पार पडली. बारामती, पुरंदर, फलटण आणि खंडाळा तालुक्यातील ८३ मतदान केंद्रांवर ही प्रक्रिया पार पडली. त्यामध्ये ८०.७३ टक्के मतदान झाले असल्याची माहिती प्रांताधिकारी तथा निवडणूक निर्णय अधिकारी दादासाहेब कांबळे यांनी दिली.
सोमेश्वर साखर कारखान्याचे एकूण २५ हजार ६७७ सभासद मतदार आहेत. आज पार पडलेल्या मतदान प्रक्रियेत २० हजार ७२९ सभासदांनी आपला हक्क बजावला असल्याची माहिती निवडणूक निर्णय अधिकारी तथा प्रांताधिकारी दादासाहेब कांबळे यांनी दिली. २० जागांसाठी तब्बल ४६ उमेदवारांचे भवितव्य आज मतपेटीत बंद झाले.मतदार राजाने कोणाला कौल दिला आहे हे गुरुवारी (दि.१४) रोजी स्पष्ट होणार आहे.
पदाधिकारी आणि कार्यकर्त्यांनी मतदारांना ने-आण करण्यासाठी वाहनांची व्यवस्था केली होती. राष्ट्रवादी काँग्रेस आणि भाजपच्या वतीने प्रमुख पदाधिकाऱ्यांनी आपल्या कार्यकर्त्यांसह मतदान केंद्रावर भेटी दिल्या.कोणताही अनुचित प्रकार न घडता मतदान शांततेत पार पडल्याने प्रशासनाचा ताण कमी झाला.
सोमेश्वर कारखान्याच्या निवडणुकीत राष्ट्रवादीकडून सोमेश्वर विकास पॅनल, तर भाजपकडून सोमेश्वर परिवर्तन पॅनल रिंगणात होते. तर ब वर्ग प्रवर्गातून राष्ट्रवादीच्या संग्राम सोरटे यांची बिनविरोध निवड झाली आहे. आज झालेल्या मतदान प्रक्रियेत मतदारांना कोणत्या पॅनलला कौल दिला हे गुरुवारी होणाऱ्या मतमोजणीत स्पष्ट होणार आहे.
