विद्या प्रतिष्ठानमध्ये दोन दिवसीय जावा स्क्रिप्ट- रियाक्ट जेएस या विषयावर कार्यशाळा संपन्न
८९ विद्यार्थ्यांनी सहभाग नोंदवला.
विद्या प्रतिष्ठानमध्ये दोन दिवसीय जावा स्क्रिप्ट- रियाक्ट जेएस या विषयावर कार्यशाळा संपन्न
८९ विद्यार्थ्यांनी सहभाग नोंदवला.
बारामती वार्तापत्र
बारामती येथील विद्या प्रतिष्ठानचे कला विज्ञान व वाणिज्य महाविद्यालय, बी. बी. ए. (सी. ए.) विभाग यांनी जावा स्क्रिप्ट – रियाक्ट जेएस या प्रोग्रामिंग भाषेमधील विषयावर दोन दिवसीय कार्यशाळा आयोजित केली होती .
कार्यशाळेच्या उद्घाटन प्रसंगी महाविद्यालयाचे प्राचार्य डॉ.भरत शिंदे, उपप्राचार्य डॉ. श्यामराव घाडगे, उपप्राचार्य लालासाहेब काशीद , विभाग प्रमुख महेश पवार, व्याख्यानाचे मार्गदर्शक श्री.रमेश हांडे सर, कॅपजेमीनी, टेक्निकल लीडर, पुणे उपस्थित होते.
बी. बी. ए. (सी. ए.) विभागप्रमुख महेश पवार यांनी आपल्या प्रास्तविकमध्ये कार्यशाळेचे उद्दिष्ट व विभागामार्फत भविष्यात विद्यार्थ्यांना त्यांचे कौशल्य आणि ज्ञान वाढवण्यासाठी आयोजित करण्यात येणाऱ्या विविध उपक्रमाची माहिती दिली. प्राचार्य डॉ. भरत शिंदे यांनी अशा प्रकारच्या कार्यशाळेमुळे विद्यार्थ्यांच्या प्रोग्रॅमिंग ज्ञानात नक्कीच भर पडेल व तसेच विद्यार्थ्यांना त्यांच्या करिअरमध्ये याचा नक्कीच फायदा होईल याबाबत मार्गदर्शन केले.
कार्यशाळेच्या दरम्यान रमेश हांडे सर यांनी जावा स्क्रिप्ट- रियाक्ट जेएस या प्रोग्रामिंग भाषेची ओळख करून दिली, त्यानंतर त्यांची वैशिष्ट्ये आणि व्यावहारिक अनुप्रयोगांचे तपशीलवार स्पष्टीकरण दिले. कार्यशाळेमध्ये रियाक्ट जेएस ची प्रमुख वैशिष्ट्ये आणि प्रोग्रामिंग प्रकल्पांमध्ये त्यांचा प्रभावीपणे वापर कसा करायचा इ. संबंधि विविध विषयांचा समावेश केला गेला होता. रियाक्ट जेएस ही एक जावास्क्रिप्ट लायब्ररी असून तिचा इंडस्ट्री मध्ये होणारा प्रभावी वापर या विषयावरती मार्गदर्शन केले तसेच शॉपिंग कार्ट हा प्रकल्प प्रत्यक्षिकासहित प्रदर्शित केला .
सदर कार्यशाळेस एसवाय बीबीएसीए ८९ विद्यार्थ्यांनी सहभाग नोंदवला. कार्यशाळेला उपस्थित असणाऱ्या विद्यार्थ्यांनी चांगला प्रतिसाद दिला तसेच विद्यार्थ्यांना ती माहिती नाविन्यपूर्ण वाटली.
कार्यशाळेच्या समारोपाप्रसंगी रमेश हांडे सरांच्या हस्ते विद्यार्थ्यांना प्रमाणपत्र वितरण करण्यात आले. बी.बी.ए.(सी.ए.) विभागप्रमुख महेश पवार सर यांचे मोलाचे सहकार्य लाभले. कार्यक्रमाचे सूत्रसंचालन शुभांगी निकम यांनी केले तसेच कार्यशाळेच्या समन्वयक पुनम गुंजवटे यांनी पाहुण्यांचा परिचय करून दिला. वैशाली पेंढारकर यांनी कार्यक्रमाचे आभार मानले.
कार्यशाळा यशस्वी होण्यासाठी विशाल शिंदे , अनिल काळोखे, अक्षय भोसले ,अक्षय शिंदे, , कांचन खिरे ,सतीश चौधर यांनी विशेष परिश्रम घेतले.
