बारामती तालुका प्रशासनातर्फे शहीद दिन साजरा
तहसिल कार्यालयातील सर्व कर्मचारी उपस्थित
बारामती वार्तापत्र
बारामती तालुका प्रशासनाच्या वतीने शहीद भगतसिंग, राजगुरू व सुखदेव यांच्या प्रतिमेस तहसिलदार विजय पाटील यांच्या हस्ते पुष्पहार अर्पण करून शहीद दिन साजरा करण्यात आला.
यावेळी तहसिलदार पाटील म्हणाले की, भारताच्या स्वातंत्र्य लढ्यासाठी प्राणांची आहुती देणारे शहीद भगतसिंग, राजगुरू व सुखदेव यांच्या स्मृती जागृत राहाव्यात याकरीता शासनातर्फे 23 मार्च हा त्यांच्या पुण्यतिथीचा दिवस शहीद दिन म्हणून साजरा करण्यात येतो.
या कार्यक्रमासाठी नायब तहसिलदार महादेव भोसले, नायब तहसिलदार पी. डी. शिंदे व तहसिल कार्यालयातील सर्व कर्मचारी उपस्थित होते.
