मुख्यमंत्री उद्धव ठाकरे आज (30 एप्रिल 2021 ) संध्याकाळी महाराष्ट्रातील जनतेशी पुन्हा एकदा संवाद साधणार कोरोनासंदर्भात महत्त्वाची घोषणा करणार?
राज्यात कोरोनाबाधितांचा आकडा दिवसेंदिवस वाढत आहे.
मुख्यमंत्री उद्धव ठाकरे आज (30 एप्रिल 2021 ) संध्याकाळी महाराष्ट्रातील जनतेशी पुन्हा एकदा संवाद साधणार कोरोनासंदर्भात महत्त्वाची घोषणा करणार?
राज्यात कोरोनाबाधितांचा आकडा दिवसेंदिवस वाढत आहे.
मुंबई :बारामती वार्तापत्र रिपोर्ट
मुख्यमंत्री उद्धव ठाकरे आज (30 एप्रिल 2021 ) संध्याकाळी महाराष्ट्रातील जनतेशी पुन्हा एकदा संवाद साधणार आहे. राज्यातील वाढता कोरोना, लॉकडाऊन, कोरोना लसीकरण या मुद्द्यांवर उद्धव ठाकरे जनतेशी संवाद साधण्याची शक्यता आहे. तसेच कोरोनाच्या पार्श्वभूमीवर उद्धव ठाकरे एखादी महत्त्वाची घोषणा करणार असल्याचे बोलले जात आहे.
मुख्यमंत्री उद्धव ठाकरेंचा जनतेशी संवाद
उद्या 1 मे म्हणजेच महाराष्ट्र दिन आहे. महाराष्ट्र दिनाच्या पूर्वसंध्येला म्हणजेच आज (30 एप्रिल 2021 ) उद्धव ठाकरे राज्यातील जनतेला संबोधित करतील. फेसबुक लाईव्हद्वारे ते राज्यातील जनतेशी संवाद साधणार आहे. दरम्यान मुख्यमंत्री आज नेमकं काय संवाद साधणार याकडे सर्व जनतेचे लक्ष लागून राहिले आहे.
राज्यात कोरोनाबाधितांचा आकडा दिवसेंदिवस वाढत आहे. तर दुसरीकडे शासनाच्या उपाययोजनाही कोरोनाची साखळी तोडण्यात तोकड्या पडत असल्याचं चित्र निर्माण झाल आहे. राज्यातील वाढत्या कोरोनामुळे महाराष्ट्रातील लॉकडाऊन आणखी 15 दिवसांनी वाढवण्यात आला आहे. तर दुसरीकडे देशभरात उद्यापासून 18 वर्षांवरील व्यक्तींना कोरोना लसीकरण केले जाणार आहे. या सर्व मुद्द्यांवर उद्धव ठाकरे आज बोलण्याची शक्यता आहे.
