धक्कादायक ; अंधश्रद्धेचा शिकार शिरूर तालुक्यात कळस ; दाभणने कोहळ्यावर तरुणीचा फोटो टोचून वाहले हळदकुंकू

प्रामुख्याने ग्रामीण भागातील लोक मोठ्या प्रमाणात अंधविश्वास, जादूटोणा, नकली बाबा यांच्यावर विश्वास ठेवून आपल्याच पायावर धोंडा पाडून घेत आहे. विचार न करता विश्वास ठेवून हे पाखंडी बाबा लोक त्यांच्या मनात काहीतरी भय निर्माण करून त्या समस्येचे निराकरण म्हणून काहीतरी साधना आणि जादूटोणा करायला भाग पडतात. त्यापैकी पाबळमधील हा एक प्रकार आहे. भोंदू बाबांचे दावे असतात की ते तंत्र शक्तीने प्रेम विवाह, जमीन संबंधी समस्या, संतान वशीकरण सुख इत्यादी समस्यांपासून लोकांना मुक्ती देऊ शकतात. पण हा दावा साफ खोटा ठरत असून या अंधश्रद्धामुळे शिक्षित-अशिक्षित दोन्ही वर्गातील लोक अंधश्रद्धेचे शिकार होतात. पाखंडी तांत्रिक लोक जादूटोणा करण्यासाठी लोकांकडून हजारो व लाखो रुपये मागून लुट करत असतात. याशिवाय बऱ्याचदा प्राणी तसेच लहान मुलांचा बळीदेखील मागितला जातो. तर आपल्या तंत्राच्या नावावर काही तांत्रिक स्त्रियांचा छळ करतात. त्यामुळे अशा गैरकृत्य करणाऱ्याला वेळीच आळा घालणे अत्यंत गरजेचे आहे.