वालचंद नगर पोलिसांची मोठी कारवाई; कुख्यात गुंड राजू भाळेसह 12 जणांवर मकोका कारवाई

वालचंद नगर पोलिसांची मोठी कारवाई; कुख्यात गुंड राजू भाळेसह 12 जणांवर मकोका कारवाई

भाळे यांच्यावर १२ गुन्हे दाखल.

इंदापूर; प्रतिनिधि

पुणे व सोलापूर जिल्हामध्ये दशहत वाढवून सातत्याने योजनाबद्द गुन्हे करणाऱ्या राजेंद्र व राजू महादेव भाळे यांच्या टोळीत १३ सदस्यांवर महाराष्ट्र संघटीत गुन्हेगारी अधिनियमानूसार (मकोका) कारवाई करण्यात आली असल्याची माहिती अप्पर पोलीस अधीक्षक गणेश बिरादार, उपविभागीय पोलीस अधिकारी डॉ. सुर्दशन राठोड व वालचंदनगर पोलीस ठाण्याचे सहायक पोलीस निरीक्षक राजकुमार डुणगे यांनी दिली.

२७ फेब्रुवारी २०२५ रोजी इंदापूर तालुक्यातील निमसाखर मध्ये उत्तम जालिंधर जाधव (वय ३४, रा. खोरोची) यांची दगडाने ठेचून तसेच कोयत्याने वार करुन हत्या करण्यात आली होती. हत्येमध्ये १३ आरोपींना सहभाग असल्याचे निष्पन्न झाले.

त्यानंतर वालचंदनगर पोलीस ठाण्याचे सहाय्यक पोलीस निरीक्षक राजकुमार डुणगे यांनी मुख्य आरोपी राजेंद्र ऊर्फ राजु महादेव भाळे (रा.खोरोची), रामदास ऊर्फ रामा शिवाजी भाळे (रा. खोरोची), शुभम ऊर्फ दादा बापु आटोळे (रा. शेळगाव), स्वप्निल बबन वाघमोडे (रा. रेडणी), नाना भागवत भाळे (रा. खोरोची), निरंजन लहू पवार (रा. खोरोची), तुकाराम ज्ञानदेव खरात (रा. खोरोची,) मयुर ऊर्फ जिजा मोहन पाटोळे, (रा. निमसाखर), अशोक बाळू यादव (रा. शेळगाव), धनाजी गोविंद मसुगडे, (रा. कारुंडे, ता. माळशिरस, जि. सोलापुर, सोमनाथ बबन पवार (रा. कळंब), सनी विलास हरिहर (रा. अंथुर्णे), अक्षय भरत शिंगाडे (रा. शेळगाव) यांच्यावर महाराष्ट्र संघटीत गुन्हेगारी नियंत्रण अधिनियमानूसार कारवाई करण्यात आली आहे.

राजु भाळे यांच्यावर १२ गुन्हे दाखल असून तो सराईत गुन्हेगार असून पुणे व सोलापूर जिल्हातील इंदापुर, माळशिरस, नातेपुते याभागामध्ये वर्चवस्व वाढविण्यासाठी नियोजनपद्ध गुन्हे करीत होता. भाळे यांच्या टोळीला पायबंद घालण्यासाठी वालचंदनगर पोलिसांनी मकोकातंर्गत कारवाई केली. सदरची कारवाई पुणे जिल्हाचे पोलीस अधिक्षक संदीपसिंह गिल्ल, अप्पर पोलीस अधिक्षक गणेश बिरादार, उपविभागीय पोलीस अधिकारी डॉ. सुदर्शन राठोड यांच्या मार्गदर्शनाखाली पोलीस निरीक्षक अविनाश शिळीमकर, वालचंदनगर पोलीस ठाण्याचे सहायक पोलीस निरीक्षक राजकुमार डुणगे, महेश बनकर, अभिजीत कळसकर, शैलेश स्वामी, गुलाबराव पाटील, जगदीश चौधर, विक्रमसिंह जाधव, गणेश वानकर, प्रेमा सोनावणे, सचिन खुळे यांनी केली.

गुन्हेगारी मोडून काढणार

समाजातील गुन्हेगारी मोडून काढण्यासाठी येणाऱ्या काळामध्ये जास्तीजास्त गुन्हेगारावर मकोका तंर्गत कारवाई करण्यात येणार आहे. तसेच गुन्हेगारांना मदत करणाऱ्यावर कारवाईचा करण्यात येणार असल्याचे अप्पर पोलिस अधिक्षक गणेश बिरादार यांनी सांगितले.