‘दिवाळी’ खायची? तर बिडीओंच्या घरी जा !

‘दिवाळी’ खायची? तर बिडीओंच्या घरी जा !

ग्रामपंचायत कर्मचाऱ्यांच्या प्रलंबीत प्रश्नांविषयी अर्धनग्न, मुंडन करून आंदोलन

बारामती वार्तापत्र
कोरोणाच्या कालावधीत ज्यांनी गावातुन कोरोणाला हद्दपार करण्याची मोहीम सुरु केली,रुग्णांच्या जवळ जाण्यासही ज्या ठिकाणी घरातील माणसे ही धजवत नव्हती त्यावेळी मात्र राज्यातील ग्रामपंचायत कामगार अनेक, छोटी छोटी कामे करणारे कामगार हे अगदी गावातील स्वच्छता करणे, सॅनिटायझर मारणे, बॅरिगेट लावणे यापासून ते रुग्णाला ॲम्बुलन्स मध्ये बसविणे, अगदी रुग्णाचा मृत्यू झाल्यास त्याच्यावर अंत्यविधी करण्याचेही काम ज्यांनी केले ते प्रशासनातील शेवटचा घटक असणारे ग्रामपंचायतीचे कर्मचारी यांना मात्र वेगवेगळ्या कारणास्तव कामावरून काढून टाकणे, पगार न देणे, बोनस न देणे अशा कारवायांना सामोरे जावे लागले आहे. त्या विरोधात बारामतीतील महाराष्ट्र राज्य ग्रामपंचायत कर्मचारी संघटनेच्या वतीने बारामती पंचायत समितीच्या समोर अर्धनग्न होऊन,मुंडण करून प्रशासनाचा निषेध नोंदवत आंदोलन सुरू केले आहे.

बीडीओं च्या घरी दिवाळी खायला जा.

बारामती तालुक्यातील एका ग्रामपंचायतीच्या महिला सफाई कामगाराला तीन महिने पगार मिळाला नाही, बोनस मिळाला नाही याविषयी पगाराची मागणी संबंधित महिलेने केली असता तुम्ही बिडीओं च्या घरी दिवाळी खायला जा असे उपकारीक उत्तर देण्यात आले. काही कामगारांना वय जास्त झाले या कारणास्तव कामावरून काढून टाकण्यात आले. त्यामुळे त्यांच्या कुटुंबावर उपासमारीची वेळ आली आहे. मात्र याविषयी मागील दहा महिन्यांपासून पत्रव्यवहार सुरू आहे.तरीही वरिष्ठ अधिकारी पंचायत समिती हे याकडे गांभीर्याने पाहत नाहीत असे चित्र सध्या निर्माण झाले आहे.

बिडीओं नी लक्ष घालावे

बारामती तालुक्यातील ग्रामपंचायत कामगारांचे प्रश्न छोट्या स्वरूपातील आहेत त्यांची मागणी ही अत्यंत तुटपुंजी व समर्पक आहे अशा छोट्या विषयासाठी कर्मचाऱ्यांना थंडीच्या दिवसात अर्धनग्न होऊन मुंडन करावे लागते ही खरी शोकांतिका आहे. याविषयी बिडीओंनी तात्काळ यामध्ये लक्ष घालून या कर्मचाऱ्यांना न्याय द्यावा. व आंदोलनापासुन कामगारांना परावृत्त करावे अशी मागणी जनतेतून होत आहे.