स्थानिक

कोणी मुख्याधिकारी देता का… ? बारामती नगरपालिके मनसेचे पालिका प्रवेशद्वारावर आंदोलन

दोन महिन्यापासून मुख्याधिकारीच नसल्यानं आता शहरात चर्चेचा विषय बनला

कोणी मुख्याधिकारी देता का… ? बारामती नगरपालिके मनसेचे पालिका प्रवेशद्वारावर आंदोलन

दोन महिन्यापासून मुख्याधिकारीच नसल्यानं आता शहरात चर्चेचा विषय बनला

बारामती वार्तापत्र

बारामती नगरपालिकेला गेले काही महिने मुख्याधिकारी नसल्याने नागरिकांमध्ये नाराजी व्यक्त होत आहे. त्यामुळे आता बारामतीत मनसे आक्रमक झाली आहे. बारामती नगरपालिकेला मुख्याधिकारी मिळेना म्हणून मनसेने (दि:३०) रोजी बारामती नागरपालिके समोर ” कोणी मुख्याधिकारी देता का?” आंदोलन केले आहे.

बारामती नगरपालिकेचा कारभार गेले काही महिने मुख्याधिकाऱ्यांविना चालू आहे. त्यामुळे नगरपालिकेच्या कामकाजात अडचणी निर्माण होत आहेत. आणि जनतेला त्रास देखील सहन करावा लागत आहे.कोविडच्या पार्श्वभूमीवर बारामती नगर परिषदेची वसूलीची स्थिती दयनीय आहे. अशावेळी दोन महिन्यापासून मुख्याधिकारीच नसल्यानं आता शहरात चर्चेचा विषय बनला आहे. मागील काही दिवसांपासून बारामतीत कोविडची स्थितीही चिंताजनक बनू लागली आहे. ग्रामीण भागातील तपासण्यांची संख्या लक्षणीय असताना बारामती शहरातील तपासण्या खूपच कमी आहेत. स्वत: उपमुख्यमंत्री अजित पवार यांनी चाचण्यांची संख्या वाढविण्याच्या सूचना केलेल्या होत्या. मात्र, यावर नियंत्रण ठेवण्यासाठी बारामती नगर परिषदेला मुख्याधिकारी नसल्याने कोरोना चाचण्यांबाबत मोठी उदासिनता पाहायला मिळत आहे.

बारामतीत मुख्याधिकारी नसणं हि लाजिरवाणी बाब असल्याचे मनसे कडून सांगण्यात आले आहे.

बारामती नगरपालिकेचे मुख्याधिकारी किरणराज यादव यांची जूनमध्ये बदली झाली. त्यानंतर अद्याप पालिकेला मुख्याधिकारी मिळालेले
नाहीत.बारामती नगरपालिकेचा कारभार गेले काही महिने मुख्याधिकाऱ्यांविना चालू आहे. त्यामुळे कामकाजात अडचणी येत आहेत. नागरिकांना याचा त्रास सहन करावा लागत आहे.

प्रांताधिकाऱ्यांकडे येथील अतिरिक्त पदभार आहे.परंतु, त्यांच्याकडे अगोदरच बारामतीव इंदापूर तालुक्याची प्रशासकीय, महसुली जबाबदारी आहे. त्यामुळे मुख्याधिकारी पद तातडीने भरणे गरजेचे आहे.

बा.न.पच्या उपमुख्याधिकारी कसलीही जबाबदारी न घेता सरळ नागरिकांना सांगतात की तुम्ही जाऊन प्रांत साहेबांना भेटा. नगरपालिकेतील अधिकारी, कर्मचारी यांच्यावर कोणाचा वचक नसल्याने ते पण काम टाळत आहेत. व मुख्याधिकारी नसल्याचे कारण पुढं करत प्रत्येक काम टाळलं जात आहे. बारामतीत नगरपालिकेला मुख्याधिकारी नियुक्त होण्यास विलंब का लागतो असा देखील प्रश्न लोकांना पडला आहे.

दरम्यान, कर वसूलीसह कोविडचे संकट गडद होऊ पाहत असल्याने बारामतीला पूर्णवेळ मुख्याधिकारी आवश्यक आहे. रस्तेदुरुस्तीसह नगर परिषदेशी संबंधित अनेक महत्वाचे विषय पूर्णवेळ अधिकारी नसल्याने मागे पडत आहेत. या पार्श्वभूमीवर लवकर बारामतीला मुख्याधिकारी मिळावा अशी मागणी आता जोर धरू लागली आहे.

यावेळीया आंदोलनामध्ये मनसेचे जिल्हा उपाध्यक्ष पोपटराव सूर्यवंशी, बारामती तालुकाध्यक्ष नीलेश वाबळे, स्वप्निल मोरे, प्रवीण धनराळे, अमोल गालिंदे, अॅड. भार्गव पाटसकर आदी सहभागी झाले होते. उपस्थित होते.

Related Articles

Leave a Reply

Your email address will not be published. Required fields are marked *

Back to top button
error: Content is protected !!