बारामती तालुक्यातील अल्पवयीन मुलीवर अत्याचार; आरोपीविरोधात पोस्कोअन्वये गुन्हा दाखल
मला भेटली नाहीस तर मी ते व्हायरल करेन अशी धमकी
बारामती तालुक्यातील अल्पवयीन मुलीवर अत्याचार; आरोपीविरोधात पोस्कोअन्वये गुन्हा दाखल
मला भेटली नाहीस तर मी ते व्हायरल करेन अशी धमकी
बारामती वार्तापत्र
अल्पवयीन मुलीला दुचाकीवरून जबरदस्तीने नेत ती दहावीत असल्यापासून शारीरिक अत्याचार करण्यात आले. त्यानंतर ती शिक्षणासाठी लातूर येथे गेली असताना शरीरसंबंधाची मागणी करत तिच्यासोबतचे फोटो तिच्या आईच्या मोबाईल क्रमांकावर पाठवण्यात आले.
या प्रकरणी वडगाव निंबाळकर पोलिसांनी विश्वराज गायकवाड (रा. करंजे, ता. बारामती) याच्या विरोधात विनयभंग, शारिरिक अत्याचारासह पोस्कोअन्वये गुन्हा दाखल केला.
पिडीत मुलीने यासंबंधी फिर्याद दाखल केली. फिर्यादीत नमूद केल्यानुसार १० मार्च २०२२ ते ३० मार्च २०२५ या कालावधीत हा प्रकार घडला.
फिर्यादी ही सन २०२२ मध्ये सोमेश्वरनगरला दहावीत शिक्षण घेत असताना गायकवाड याने तिच्याशी जबरदस्तीने मैत्री केली. ती शिकवणी वर्गाला जात असताना दि. १० मार्च २०२२ रोजी सायंकाळी चारच्या सुमारास त्याने तिला अडवले. तु मला खुप आवडते, माझे तुझ्यावर खुप प्रेम आहे, असे तो म्हणाला. फिर्यादीने त्यास नकार दिला. त्यानंतर दि. १२ मार्च २०२२ रोजी त्याने तिला काॅफी पिण्यासाठी चल असे म्हणत जबरदस्तीने स्कूटीवर बसवले. निरा-लोणंद रस्त्यावरील एका लाॅजवर तिला नेत तेथे तिच्या इच्छेविरुद्ध दोनदा तिच्याशी शरीरसंबंध ठेवले. या प्रकाराची वाच्यता करू नको अशी धमकी देत तिला करंजेपूल येथे आणून सोडले. त्यानंतर पुन्हा दोन दिवसांनी त्याच लाॅजवर तिला नेत तिच्याशी शरीरसंबंध प्रस्थापित केले.
ती अकरावी विज्ञान शाखेत शिकत असताना महाविद्यालयाच्या स्नेहसंमेलनावेळी त्याने त्याच्या मोबाईलमध्ये दोघांचे एकत्रित फोटो काढले. तो महाविद्यालयात तिच्या मागे फिरत तिला सतत त्रास देत होता. सन २०२४-२५ मध्ये ती नीट परीक्षेच्या अभ्यासाठी लातूर येथे गेली असताना त्याने तिच्या मोबाईलवर संपर्क साधत शरीरसुखाची मागणी केली. फिर्यादीने त्याला नकार दिला. त्यावर त्याने आपण लाॅजवर गेलो असताना तुझे नग्न फोटो मी काढले असून तु मला भेटली नाहीस तर मी ते व्हायरल करेन अशी धमकी दिली. तिच्या खोलीत राहणाऱ्या मैत्रिणीकडेही त्याने तिची चौकशी केली. त्यानंतर तिची बहिण व आई या दोघांच्या मोबाईलवर त्याने दोघांचे फोटो पाठवले.
या प्रकाराबाबत पिडीतेने कुटुंबियांशी चर्चा करून गायकवाड याच्या विरोधात फिर्याद दिली. पोलिस उपनिरीक्षक राहूल साबळे अधिक तपास करत आहेत.
