इंदापूरमध्ये सर्वेक्षणाचा आढावा घेत राज्यमंत्री दत्तात्रय भरणे यांनी केली थर्मामीटर गणच्या साह्याने अनेक कुटुंबांची तपासणी.
नागरिकांना जनता कर्फ्यू दरम्यान नियम व अटी पाळण्याची केली विनंती.
इंदापूरमध्ये सर्वेक्षणाचा आढावा घेत राज्यमंत्री दत्तात्रय भरणे यांनी केली थर्मामीटर गणच्या साह्याने अनेक कुटुंबांची तपासणी.
नागरिकांना जनता कर्फ्यू दरम्यान नियम व अटी पाळण्याची केली विनंती.
इंदापूर:-प्रतिनिधी
इंदापूर शहरासह तालुक्यात दिवसेंदिवस कोरोना रुग्ण संख्येत वाढ होत असून त्यामुळे नागरिक आणि प्रशासन यांच्या समस्येत अधिकची भर पडत आहे.त्यामुळे आज पासून दि.20 सप्टेंबर पर्यंत इंदापूर तालुक्यात जनता कर्फ्यू घोषित करण्यात आला आहे. तसेच आज पासून इंदापूर नगरपरिषद,इंदापूर तहसील,उपजिल्हा रुग्णालय इंदापूर,इंदापूर पोलीस स्टेशन यांच्या संयुक्त विद्यमाने कोरोना रुग्णांचे ट्रेसिंग होण्यासाठी संपूर्ण शहरात 5500 कुटुंबापर्यंत जाऊन एकाच वेळी विविध विभागातील कर्मचारी आणि शिक्षकांच्या सहकार्याने कोरोना सर्वेक्षण इंदापूर शहरात राबविण्यात आले आहे.
या पार्श्वभूमीवर आज दि.12 रोजी तालुक्याचे आमदार तसेच राज्यमंत्री दत्तात्रय भरणे यांनी स्वतःहून इंदापूर शहरात या सर्वेक्षणाचा आढावा घेत पाहणी केली व स्वतः अनेक कुटुंबाची थर्मामीटर गणच्या साह्याने तपासणी केली व नागरिकांना या जनता कर्फ्यू च्या काळात घराबाहेर न पडता काळजी घेण्याचे आवाहन केले.
या वेळी जिल्हा परिषदेचे मुख्य कार्यकारी अधिकारी आयुष प्रसाद,तहसीलदार सोनाली मेटकरी, नगराध्यक्षा अंकिता शहा,मुख्याधिकारी डॉ.प्रदीप ठेंगल, पोलीस निरीक्षक नारायण सारंगकर,गटविकास अधिकारी विजयकुमार परीट, वैद्यकीय अधीक्षक डॉ.एकनाथ चंदनशिवे, विरोधीपक्ष नेते पोपट शिंदे,प्रा.अशोक मखरे,नगरसेवक दादासाहेब सोनवणे, नगरसेवक अमर गाडे,जिल्हा कुस्तीगीर संघाचे सदस्य महेंद्र रेडके,वसीम बागवान,राहुल गुंडेकर,नगरपरिषद,पंचायत समिती, तहसील कचेरी, उपजिल्हा रुग्णालयाचे अधिकारी कर्मचारी, शिक्षक उपस्थित होते.
