रुपाली पाटील उद्या अजित पवारांच्या उपस्थितीत राष्ट्रवादीचं घड्याळ आपल्या हातावर बांधणार
'महाराष्ट्र नवनिर्माण सेना पक्षातील मी माझ्या सर्व पदासह पक्षाचा प्राथमिक सदस्य पदाचा राजीनामा देत आहे, असं रुपाली ठोंबरे यांनी पत्रात लिहिलं आहे.
रुपाली पाटील उद्या अजित पवारांच्या उपस्थितीत राष्ट्रवादीचं घड्याळ आपल्या हातावर बांधणार
‘महाराष्ट्र नवनिर्माण सेना पक्षातील मी माझ्या सर्व पदासह पक्षाचा प्राथमिक सदस्य पदाचा राजीनामा देत आहे, असं रुपाली ठोंबरे यांनी पत्रात लिहिलं आहे.
प्रतिनिधी
मनसेच्या डॅशिंग, फायरब्रँड नेत्या रुपाली पाटील यांनी पक्षाला ‘जय महाराष्ट्र’ केला आहे. राज ठाकरे यांना पत्र लिहून आपण राजीनामा देत असल्याचं त्यांनी कळवलं आहे. महापालिका निवडणुकीच्या तोंडावर राज ठाकरे यांना हा मोठा धक्का मानला जातोय. मनसेला जय महाराष्ट्र केल्यानंतर त्या राष्ट्रवादी काँग्रेसमध्ये प्रवेश करणार असल्याची माहिती आहे. उपमुख्यमंत्री अजित पवार यांच्या हस्ते शुक्रवारी त्या राष्ट्रवादीचं घड्याळ आपल्या हातावर बांधणार असल्याची माहिती कळतीय.
मनसेला जय महाराष्ट्र, राष्ट्रवादीत प्रवेश करणार
गेल्या अनेक दिवसांपासून त्या पक्ष सोडणार असल्याची चर्चा होती. त्या पक्षात नाराज होत्या. गेल्या पंधरा दिवसांपूर्वी त्यांनी आपली नाराजी उघडपणे बोलून दाखवली होती. पक्षातील काही रिकामटेकडे लोक आपल्याविषयी नको ती चर्चा करतात, अशी तक्रार त्यांनी काही दिवसांपूर्वीच केली होती. या सगळ्या प्रकरणानंतर त्या मनसेला जय महाराष्ट्र ठोकणार अशी चर्चा होती. अखेर त्यांनी मनसेला सोडचिठ्ठी दिली आहे.
राजकारणातली नवी इनिंग सुरु करणार
रुपाली पाटील या जरी मनसे नेत्या असल्या तरी इतर पक्षातील नेत्यांशी त्यांच्या उत्तम संपर्क होता. विशेषत: राष्ट्रवादीच्या नेत्यांशी त्यांचा चांगला संपर्क होता. राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांच्या त्या अतिशय जवळच्या आहेत. अनेक दिवसांपासून त्या मनसेत नाराज होत्या, तेव्हापासूनच त्या राष्ट्रवादीत प्रवेश करतील, अशी अटकळ बांधली जात होती. अखेर तो अंदाज खरा ठरलाय. शुक्रवारी त्या आपल्या मनगटावनर घड्याळ बांधून राजकारणातली आपली नवी इनिंग सुरु करतील.
राज ठाकरेंना पत्र लिहून राजीनामा पाठविला
रुपाली पाटील यांनी मनसे अध्यक्ष राज ठाकरे यांना पत्र लिहून आपला राजीनामा पाठवला आहे. ‘महाराष्ट्र नवनिर्माण सेना पक्षातील मी माझ्या सर्व पदासह पक्षाचा प्राथमिक सदस्य पदाचा राजीनामा देत आहे, असं रुपाली ठोंबरे यांनी पत्रात लिहिलं आहे.
