देशात विविध बाबतीत नंबर एकचा तालुका म्हणून बारामतीची ओळख निर्माण केली असती…..उपमुख्यमंत्री अजित पवार
आम्हाला याचे समाधान वाटते की, आपल्या कारकीर्दीत विविध कामे करू शकलो
देशात विविध बाबतीत नंबर एकचा तालुका म्हणून बारामतीची ओळख निर्माण केली असती…..उपमुख्यमंत्री अजित पवार
आम्हाला याचे समाधान वाटते की, आपल्या कारकीर्दीत विविध कामे करू शकलो
बारामती वार्तापत्र
मागील टर्म मध्ये आपल्या विचाराचे सरकार असते तर बारामतीला कुठल्या कुठे नेऊन ठेवले असते. देशात विविध बाबतीत नंबर एकचा तालुका म्हणून बारामतीची ओळख निर्माण केली असती. मात्र जर-तर ला काही महत्त्व नसतं असे सांगून पवार म्हणाले की, सध्या कोरोनाचे सावट असतानाही विकास कामांवर आपण त्याचा परिणाम होऊ दिला नसल्याचे सांगितले.आपण समाजाचे काही देणे लागतो. या भावनेतून आम्ही काम करत असतो. आम्हाला याचे समाधान वाटते की, आपल्या कारकीर्दीत विविध कामे करू शकलो याचे एक वेगळेच समाधान असल्याचे उपमुख्यमंत्री अजित पवार यांनी सांगितले. पवार आज बारामती दौऱ्यावर होते. एका कार्यक्रमात बोलत असताना त्यांनी ही माहिती दिली.
पुढे बोलताना पवार म्हणाले की, पवार साहेबांनी बजाज समूहला विनंती केली की आपले विविध उद्योग पुण्यासह महाराष्ट्रात आहेत. तुमचे पुण्यावर विशेष प्रेम आहे. त्यामुळे तुम्ही काहीतरी द्या. अशी विनंती करताच बजाज समूहाचे राहुल बजाज यांनी तात्काळ दीड लाख व्हॅक्सिनेशन उपलब्ध करून दिले.एकाच दिवसात सर्वाधिक म्हणजेच अडीच लाख लसीकरण करण्याचा विक्रम पुणे जिल्ह्याने केला. हा देशातील उच्चांक केला असल्याची माहिती उपमुख्यमंत्री अजित पवार यांनी दिली.बजाज समूहाने यासाठी सुमारे दहा कोटी रुपयांचे दीड लाख व्हॅक्सिंन उपलब्ध करून दिल्याचे ही पवार यांनी सांगितले.
