बारामतीत एन्व्हॉर्यमेंटल फोरमच्या वतीने पाणवठ्यात पाणी

बारामतीत एन्व्हॉर्यमेंटल फोरमच्या वतीने पाणवठ्यात पाणी

पार्थ पवार यांच्या वाढदिवसाचे औचित्य साधून

बारामती वार्तापत्र

वनविभागातील प्राण्यांचे पाण्याअभावी हाल होऊ नये या उद्देशाने येथील एन्व्हॉर्यमेंटल फोरम ऑफ इंडियाच्या वतीने दरवर्षीप्रमाणे यंदाही शुक्रवारपासून (ता. 21) पाणवट्यामध्ये टँकरद्वारे पाणी सोडण्यास प्रारंभ झाला.

जागतिक वनीकरण दिन, जागतिक जलदिन व जागतिक हवामानदिनाचे औचित्य साधून हा उपक्रम फोरमच्या वतीने राबविण्यात आला.

उन्हाची तीव्रता वाढू लागल्याने आता वन्यजीवांच्या पिण्याच्या पाण्याचा प्रश्न निर्माण होऊ लागला आहे. यावर मात करण्याच्या उद्देशाने दरवर्षीप्रमाणेच बारामतीतील एन्व्हॉर्यमेंटल फोरम ऑफ इंडियाच्या अध्यक्षा सौ.सुनेत्रा पवार यांच्या मार्गदर्शनाखाली वन्यजीवांसाठी टँकरद्वारे पाणवठ्यात पाणी सोडण्यास प्रारंभ केला आहे, या उपक्रमांतर्गत शुक्रवारी तांदुळवाडीनजिकच्या दोन पाणवठयात टँकरद्वारे पाणी सोडले गेले.

बारामती तालुक्याच्या वनविभागात पारवडी, शिर्सुफळ, नारोळी, वढाणे, मोढवे, मुढाळे, साबळेवाडी आदी ठिकाणी जवळपास 19 पाणवठे आहेत. दरवर्षी उन्हाळ्यात फोरमच्या वतीने या पाणवठ्यात टँकरने पाणी सोडले जाते. यंदाही आवश्यकतेनुसार वनविभागाच्या सूचनांनुसार यात उन्हाळ्यात पाणी सोडले जाणार आहे.
दरम्यान युवा नेते पार्थ पवार यांच्या वाढदिवसाचे औचित्य साधून तांदुळवाडी येथील ज्येष्ठ नागरिक निवासामध्ये ज्येष्ठ नागरिकांच्या हस्ते केक कापण्यात आला, तसेच ज्येष्ठ नागरिकांना केकचे वाटप केले गेले.

फोटो- तांदुळवाडी (ता. बारामती)- येथील वनक्षेत्रातील पाणवठ्यात पाणी सोडताना एन्व्हॉर्यमेंटल फोरम ऑफ इंडियाचे सदस्य.
तांदुळवाडी- युवा नेते पार्थ पवार यांच्या वाढदिवसानिमित्त ज्येष्ठ नागरिक निवासामध्ये केक कापण्यात आला.