बारामतीत विनाकारण फिरणाऱ्या १२५ जणांची कोरोना चाचणी,१२ जण निघाले कोरोना बाधित

बारामतीत विनाकारण फिरणाऱ्या १२५ जणांची कोरोना चाचणी,१२ जण निघाले कोरोना बाधित

विनाकारण फिरणाऱ्या लोकांवर अशीच कारवाई पुढील कालावधीत करण्यात येईल.

बारामती वार्तापत्र

काल रात्री पासून राज्यात कडक लॉकडाऊन लागू झाला असून आता प्रशासनाने देखील त्याची अंलबजावणी करण्यास सुरुवात केली आहे.या लॉकडाऊन च्या काळादरम्यान अत्यावश्यक कारणा व्यतिरिक्त इतरांना घर बाहेर पडता येणार नाही.मात्र असं असलं तरी आज बारामतीत काही लोक विनाकारण रस्त्यावर फिरत होते.आज बारामतीतील आरोग्य विभागाच्या शहर व तालुका पोलिसांनी आज रस्त्यावर विनाकारण फिरणाऱ्या नागरीकांची अँटीजेन टेस्ट केली असता १२ जण कोरोना बाधित आढळून आले आहेत.आज सकाळीच प्रशासनाने शहरातील तीनहत्ती चौक येथे विनाकारणं फिरणाऱ्या ५९ जणांची तपासणी केली असता त्यापैकी ४ तर पेन्सिल चौक येथे ६६ जणांची तपासणी केली असता ८ जण असे मिळून एकूण १२ जण कोरोना बाधित आढळून आले आहेत.

उपविभागीय पोलिस अधिकारी नारायण शिरगावकर यांनी आज याची माहिती दिली. आज सकाळी दहा वाजल्यापासून बारामती शहरात तीन हत्ती चौक आणि पेन्सिल चौक या दोन ठिकाणी पोलिसांनी नाकेबंदी करून विनाकारण बाहेर फिरणाऱ्यांची तपासणी केली. यामध्ये कारण नसताना उगाच फिरणाऱ्याना ताब्यात घेऊन, त्यांची तेथेच कोरोनाची चाचणी करण्यात आली. यामध्ये तब्बल बारा जण कोरोना बाधित आढळून आले आहेत.

यासंदर्भात शिरगावकर यांनी विनाकारण फिरणाऱ्या लोकांवर अशीच कारवाई पुढील कालावधीत करण्यात येईल. तेव्हा नागरिकांनी घरीच थांबून प्रशासनास मदत करावी असे आवाहन केले आहे.