बारामतीतील पुण्यश्लोक अहिल्यादेवी होळकर शासकीय वैद्यकीय महाविद्यालय व सर्वोपचार रुग्णालयात शवविच्छेदन व शवशीतगृहाची सुविधा

बारामतीतील पुण्यश्लोक अहिल्यादेवी होळकर शासकीय वैद्यकीय महाविद्यालय व सर्वोपचार रुग्णालयात शवविच्छेदन व शवशीतगृहाची सुविधा

एकाचवेळी साधारणपणे ४ मृतदेह ठेवण्याची सुविधा उपलब्ध

बारामती वार्तापत्र

बारामतीतील पुण्यश्लोक अहिल्यादेवी होळकर शासकीय वैद्यकीय महाविद्यालय व सर्वोपचार रुग्णालय, बारामती येथे शवविच्छेदन व शवशीतगृहाची सुविधा कार्यान्वित करण्यात आली आहे, अशी माहिती महाविद्यालयाचे अधिष्ठाता डॉ. चंद्रकांत म्हस्के आणि न्यायवैद्यकशास्त्र व विषशास्त्र विभागाचे विभाग  प्रमुख तथा वैद्यकीय अधीक्षक डॉ.अमोल शिंदे यांनी दिली.

महाविद्यालयाच्या परिसरातील सर्व सुविधानीयुक्त सुसज्ज शवचिकित्सा इमारत उभारण्यात आली असून या इमारतीमध्ये शवचिकित्सा व विद्यार्थी प्रशिक्षणविषयक कामकाज करण्यात येणार आहे. शवचिकित्सागृहामध्ये शीतगृह तयार करण्यात आले असून एकाचवेळी साधारणपणे ४ मृतदेह ठेवण्याची सुविधा उपलब्ध होणार आहे, अशी माहिती डॉ.शिंदे यांनी दिली आहे.