बारामती नगरपालिका निवडणुक: मुंबई हायकोर्टाने याचिका फेटाळली
मतदानाची तारीख – 20 डिसेंबर
बारामती वार्तापत्र
बारामती नगरपालिका निवडणुकीसाठी यंदा 2 डिसेंबर रोजी मतदान होणार होते. मात्र निवडणूक प्रक्रियेतील काही मुद्द्यांवर आक्षेप घेत याचिका दाखल झाल्याने निवडणूक पुढे ढकलण्यात आली होती. या संदर्भात दाखल झालेल्या याचिकेवरील सुनावणी पूर्ण करत मुंबई हायकोर्टाने महत्त्वाचा निकाल दिला आहे. त्यानुसार बारामती नगरपालिका निवडणुकीचे मतदान 20 डिसेंबर रोजी घेण्यात येणार असल्याचा निर्णय दिला आहे.
ही याचिका सिद्धी सतीश अकाले यांनी दाखल केली होती. त्यांनी संपूर्ण निवडणूक प्रक्रिया रद्द करून नूतनीकरणासह पुन्हा निवडणूक घेण्याची मागणी केली होती.त्यांची याचिका फेटाळण्यात आलीं.त्यांच्या वतीने अॅड. सुशांत प्रभुणे यांनी न्यायालयात बाजू सादर केली.
याचिकेचा विरोध करत नगरपालिका आणि निवडणूक निर्णय अधिकारी यांच्या वतीने ॲड.अभिजीत कुलकर्णी यांनी न्यायालयात मांडणी केली. दोन्ही बाजूंचे युक्तिवाद ऐकल्यानंतर न्यायालयाने निवडणुकीची प्रक्रिया रद्द करण्याची मागणी फेटाळून लावली.
तसेच,न्यायालयाने नगरपालिका आणि निवडणूक निर्णय अधिकारी यांनी 60 दिवसांच्या आत संबंधित बाबींचे प्रतिज्ञापत्र (Affidavit) सादर करण्याचा निर्देश दिला आहे.
मुंबई हायकोर्टाच्या या निर्णयामुळे बारामती नगरपालिका निवडणुकीचे मतदान 20 डिसेंबर रोजी होणार हे आता स्पष्ट झाले आहे.
