महाबळेश्वरमध्ये आढळला घातक Nipah व्हायरस!

महाबळेश्वरमध्ये आढळला घातक Nipah व्हायरस!

महाबळेश्वरच्या गुहांमध्ये राहणाऱ्या वटवाघुळांमध्ये निपाह हा घातक विषाणू आढळून आला आहे.

बारामती वार्तापत्र रिपोर्ट

कोरोनाची (Corona) तिसरी लाट येण्याची एकीकडे भीती व्यक्त केली जात आहे. तर दुसरीकडे  साताऱ्यातील (Satara) महाबळेश्वरच्या (Mahabaleshwar) गुहेमध्ये राहणाऱ्या वटवाघुळांमध्ये (bats) निपाह हा विषाणू (nipah virus) सापडल्याची माहिती समोर आली आहे. त्यामुळे एकच खळबळ उडाली आहे.

एनआयव्ही (niv) अर्थात राष्ट्रीय विषाणू संशोधन संस्थेने याबद्दल माहिती दिली आहे. राष्ट्रीय विषाणू संशोधन संस्थेनं एक रिसर्च पेपर प्रसिद्ध केला आहे. यामध्ये राज्यातील साताऱ्यात असलेल्या महाबळेश्वरच्या गुहांमध्ये राहणाऱ्या वटवाघुळांमध्ये निपाह हा घातक विषाणू आढळून आला आहे.  जर हा निपाह विषाणू वटवाघुळ यांमधून माणसांमध्ये आला तर तो अत्यंत धोकादायक समजला जातो कारण त्याच्यावरती अजून पर्यंत कुठलाही उपाय नाही आणि हा विषाणू जीवघेणा ठरू शकतो, असं प्रसिद्ध केलेल्या रिसर्च पेपरमध्ये सांगण्यात आल आहे.