बारामती उप प्रादेशिक परिवहन कार्यालयाच्या कारवाईत छप्पन लाख रुपयांहून अधिक दंड वसूल

बारामती उप प्रादेशिक परिवहन कार्यालयाच्या कारवाईत छप्पन लाख रुपयांहून अधिक दंड वसूल

वाहतूक सुरक्षाविषयक नियमांचे पालन करण्याचे उप प्रादेशिक परिवहन अधिकाऱ्यांचे आवाहन

बारामती वार्तापत्र

उप प्रादेशिक परिवहन अधिकारी कार्यालयामार्फत ऑगस्ट २०२५ मध्ये वाहतूक सुरक्षाविषयक नियमांच्या उल्लंघनप्रकरणी ७९९ वाहनावर केलेल्या कारवाईत १ हजार ५०४ एवढ्या विविध
गुन्ह्यात वाहनमालक वा वाहनचालकांकडून ५६ लाख २५ हजार २५० रुपये इतका दंड वसूल करण्यात आलेला आहे.

यामध्ये अतिवेगाने धावणाऱ्या वाहनांवर ३०५ गुन्हे, विना हेल्मेट वाहन चालविणे १६२, सीट बेल्ट न लावणे १३, अवैध विमाप्रकरणी २२९, क्षमतेपेक्षा अधिक वजन भरलेली वाहने ७१, वाहन चालवितांना भ्रमणध्वनीचा वापर २६, रिफ्लेटर आणि टेल लॅम्प नसणे ५३, दारु पिऊन वाहन चालवणे १३, ताडपत्री अच्छादन नसणे १६, काळी फिल्म लावणे ४, अनुज्ञाप्ती १३२, वाहन परवाना ३३, योग्यता प्रमाणपत्र २४०, वायु प्रदुषण प्रमाणपत्र २०७ असे एकूण १ हजार ५०४ गुन्हे दाखल करण्यात आले आहेत.

उप प्रादेशिक परिवहन अधिकारी कार्यालयामार्फत मोहीमस्तरावर वाहनांची तपासणीचे काम सुरु आहे. नागरिक तसेच शालेय विद्यार्थी वाहतूक करणाऱ्यांना वाहनचालकांनी वाहतूक सुरक्षाविषयक नियमाचे पालन करुन प्रशासनास सहकार्य करावे, असे आवाहन उप प्रादेशिक परिवहन अधिकारी सुरेंद्र निकम यांनी केले आहे.