बोगस कागदपत्रांच्या आधारे बारामतीच्या अंगणवाडीत नियुक्ती ?

बोगस कागदपत्रांच्या आधारे बारामतीच्या अंगणवाडीत नियुक्ती ?

दहा वर्षापासून न्यायासाठी धडपड, संघटना करणार आंदोलन

बारामती वार्तापत्र
बीट पर्यवेक्षिका या पदासाठी परिक्षेत पाचव्या क्रमांकाने उत्तीर्ण होऊनही तालुका पंचायत समितीच्या एकात्मिक बाल विकास विभागाची पात्र अंगणवाडी कार्यकर्तीच्या जागी दुसऱ्या अपात्र कार्यकर्तीला बोगस कागदपत्रांच्या आधारे अंगणवाडी सेवेत रुजू करून घेतल्यामुळे बारामती तालुक्यातील अंगणवाडी कार्यकर्ती व मदतनीस यांनी आवाज उठवला आहे.

या अंगणवाडी कार्यकर्ती ने सदरच्या नियुक्तीत अनेक पुरावे प्रशासनास सादर केले आहेत. तसे प्रतिज्ञापत्रही मुख्य कार्यकारी अधिकारी यांना दिले आहे. या अंगणवाडी कार्यकर्ती ला न्याय न मिळाल्यास बारामती तालुक्यातील अंगणवाडी सेविका व मदतनीस पुणे जिल्हा परिषदेच्या समोर व मुंबई येथील कार्यालयावर अंगणवाडीच्या आठशे महिला कार्यकर्ती आंदोलन करणार आहेत . पुणे जिल्हा परिषद व बालविकास आयुक्तालय येथे हे आंदोलन छेडण्यात येईल असे सामाजिक कार्यकर्ते पोपट धवडे यांनी सांगितले. या आंदोलनात जिल्हाध्यक्षा आशाबी शेख, तालुकाध्यक्ष माधुरी जगदाळे राज्य महासचिव शुभा शमीम यांनीही पाठिंबा दर्शविला आहे .याविषयी अंगणवाडी कार्यकर्ती उंडवडी क. प पुष्पा ज्ञानदेव खराडे व जानकी नीतीन टकले यांनी सांगितले की मी पदवीधर असूनही गेली तीस वर्षे अंगणवाडी कार्यकर्ती म्हणून काम करते आहे 2003 सालापासून सलग तीन वेळा पर्यवेक्षिका या पदासाठी परीक्षा देऊन पात्र झाले होते. मात्र मला डावलून बोगस कागदपत्रांच्या आधारे दुसऱ्या कार्यकर्तीला हे पद देण्यात आले. याविषयी मी अनेक वेळा तक्रार करूनही माझी कोणतीच दखल घेतली गेली नाही. माझ्यावर झालेल्या अन्यायामुळे आत्महत्या करण्यापर्यंत मनात विचार येत आहेत असे त्यांनी सांगितले.