इंदापूर परिसरात मोटार सायकल चोरीचे प्रमाण वाढले
आठवड्यापुर्वीच पोलिसांनी केली होती मोठी कारवाई
इंदापूर परिसरात मोटार सायकल चोरीचे प्रमाण वाढले
आठवड्यापुर्वीच पोलिसांनी केली होती मोठी कारवाई
इंदापूर : प्रतिनिधी
इंदापूर पोलिसांनी मागील आठवड्यात मोटार सायकल चोरी प्रकरणी ९ जणांना ताब्यात घेतले होते.यामध्ये ३ अल्पवयीन मुलांचा समावेश होता.सदरीच्या कारवाईत पोलिसांनी २० मोटार सायकली हस्तगत केल्या होत्या.परंतु इंदापूर परिसरात मागील दोन दिवसात मोटार सायकल चोरीचे प्रमाण पुन्हा वाढताना दिसून येत आहे.
शनिवारी (दि.२१) मौजे गलांडवाडी नं.१ ता.इंदापूर गावच्या हद्दीतील हॉटेल दुर्गेश्वरी समोरून दुपारी दोन ते अडीच वाजण्याच्या दरम्यान शेखर निगप्पा संगदरी (वय २७)रा.अक्कलकोट जि. सोलापूर यांची ३० हजार रुपये किंमतीची होंडा कंपनीची पांढऱ्या रंगाची स्प्लेंडर प्रो मोटार सायकल क्रमांक एमएच १३ डीएल ४१६९ व स्वप्निल बबन गंगावणे ( वय २५ ) रा.शहा ता.इंदापूर यांची होंडा कंपनीची काळ्या रंगाची शाईन एमएच १२ केएफ ५३६८ मोटार सायकल सोमवारी ( दि.२३ ) सायंकाळी साडेपाच वाजण्याच्या सुमारास मौजे सरडेवाडी गावच्या हद्दीतील हॉटेल सुदर्शन समोरून अज्ञाताने चोरून नेल्याबाबत इंदापूर पोलिसात फिर्याद दाखल करण्यात आली असून याबाबत इंदापूर पोलीस तपास करत आहेत.
