निरंकारी मिशनच्या मोफत आरोग्य शिबीरात 217 रुग्णांची तपासणी
मोफत औषधे देण्यात आली
बारामती वार्तापत्र
संत निरंकारी मिशन मोरगाव शाखेच्या वतीने रविवारी (ता.23) आयोजित केलेल्या सर्व रोग निदान मोफत आरोग्य शिबीरात 217 रुग्णांची तपासणी करण्यात आल्याची माहिती सातारा झोनचे प्रभारी नंदकुमार झांबरे यांनी दिली.
सदर शिबीराचे आयोजन मोरगाव येथील सत्संग भवनात सकाळी 10 ते 5 यावेळेत करण्यात आले होते. या शिबिराचे उद्घाटन डॉ. पुरूषोत्तम अरोरा (प्रसिद्ध ह्रदय विकार तज्ञ, बेंगलोर) यांच्या हस्ते कर करण्यात आले.
या शिबिरासाठी डॉ. पुरूषोत्तम अरोरा (प्रसिध्द हृदय विकार तज्ञ बंगरुळ, कर्नाटक), डॉ. वाघमोडे (हाड तज्ञ्), डॉ. तुकाराम खोत (गारगुटी कोल्हापूर), डॉ. रमेश गायकवाड (हाड तज्ञ्), डॉ. नवले बार्शी, डॉ. अनिता पवार (इ.सी.जी तज्ञ्) सोलापूर, डॉ अभिजित कांबळे कोरेगाव इत्यादि अनुभवी डॉक्टरांची टीम उपस्थित होती.
हे शिबीर सर्वांसाठी मोफत असल्याने मोरगावसह परिसरातील 217 गरजू रुग्णांनी लाभ घेतला. शिबिरामध्ये हृदय विकारासह गुडघेदुखी, पाठदुखी, सांधे दुखी, व आणखी इतर आजारांची मोफत तपासणी करून त्यावर मोफत औषधे देण्यात आली. या तपासणीत प्रामुख्याने महिलांध्ये रक्ताचे प्रमाण कमी असल्याचे आढळून आले.
सदर शिबीर यशस्वी पणे पार पाडण्यासाठी बारामती क्षेत्राचे क्षेत्रीय संचालक किशोर माने यांच्या मार्गदर्शनाखाली मोरगाव शाखेचे मुखी दत्तात्रय थोरात, संचालक राजेंद्र गायकवाड यांच्यासह सेवादल शिक्षक, सेवादल संचालिका, सेवादल, सेवादल भगिनी विशेष परिश्रम घेतले.
