बारामती बाजार समिती मध्ये शासकीय मका खरेदी साठी ऑनलाईन नोंदणी सुरू

बारामती बाजार समिती मध्ये शासकीय मका खरेदी साठी ऑनलाईन नोंदणी सुरू

शासनाने मकेचा हमीदर रू. २२२५/- असा निश्चित केला.

रब्बी पणन हंगाम २०२४-२५ मध्ये किमान आधारभूत किंमत योजने अंतर्गत हमीभावाने
भरडधान्य (मका) खरेदी करिता Nemi वेब पोर्टलवर दि. ०२ एप्रिल २०२५ ते ३० एप्रिल २०२५ या कालावधीत ऑनलाईन नोंदणीची प्रक्रिया सुरू करणे बाबत दि महाराष्ट्र स्टेट कोऑपरेटिव्ह मार्केटींग फेडरेशन लि. पुणे यांनी कळविलेले आहे.

तरी बारामती व पुणे जिल्ह्यातील मका
उत्पादक शेतक-यांनी मुदतीत नोंदणी करून हमीभाव खरेदी केंद्राचा फायदा घ्यावा असे
आवाहन समितीचे सभापती विश्वास आटोळे व उपसभापती रामचंद्र खलाटे यांनी केले आहे.

सदर दिलेल्या मुदतीनुसार दि. ३०/०४/२०२५ पर्यन्त शेतक-यांनी बाबालाल काकडे निरा
कॅनॉल संघ, तिन हत्ती चौक बारामती येथे ऑनलाईन नोंदणी करावी असे आवाहन निरा संघाचे चेअरमन सतिश काकडे यांनी केले आहे.

केंद्र शासनाने मकेचा हमीदर रू. २२२५/- असा निश्चित केला असल्याने निकषा प्रमाणे
याच दराने वाळलेली व स्वच्छ केलेली मका खरेदी करणेत येणार आहे.

त्यासाठी शेतक-यांनी जमिनीचा ७/१२ उतारा व त्यावर मकेची नोंद असलेला सन २०२४-२५ पिकपेरा, आठ-अ, आधारकार्ड आणि IFSC कोड सह बँकेचे पासबुक झेरॉक्स, मोबाईल नंबर इत्यादी संपुर्ण कागदपत्रे सादर करणे आवश्यक आहे. अधिक माहितीसाठी शेतक-यांनी बारामती बाजार समिती व निरा कॅनॉल संघ या कार्यालयाशी संपर्क साधावा.

दि. १ मे २०२५ ते ३० जुन २०२५ या
कालावधीत ऑनलाईन नोंदणी केलेल्या शेतक-यांची मका तपासणी करूनच खरेदी करणेत येणार
आहे. ऑनलाईन नोंदणी केलेल्या शेतक-यांना एसएसएम द्वारे कळविणेत येईल, त्यावेळी खरेदी
केंद्रावर मका आणताना एफ.ए.क्यु. दर्जाचा व स्वच्छ आणि वाळवून आणावी अशी माहिती सचिव अरविंद जगताप यांनी दिली.