अविनाश इंडियन गॅस एजन्सीकडून ई-केवायसीसाठी विशेष शिबिराचे आयोजन

अविनाश इंडियन गॅस एजन्सीकडून ई-केवायसीसाठी विशेष शिबिराचे आयोजन

३ व ४ ऑगस्ट रोजी बळीराजा सांस्कृतिक भवन येथे शिबिर; ई-केवायसी न केल्यास सबसिडी व गॅस कनेक्शनवर परिणाम होण्याची शक्यता

वालचंदनगर | प्रतिनिधी

अविनाश इंडियन गॅस एजन्सी, वालचंदनगर यांच्या वतीने उज्ज्वला गॅस योजनेचे लाभार्थी तसेच सर्व घरगुती एलपीजी गॅस ग्राहकांना ई-केवायसी (e-KYC) प्रक्रिया तातडीने पूर्ण करण्याचे आवाहन करण्यात आले आहे.
ज्या ग्राहकांची ई-केवायसी अद्याप प्रलंबित आहे, त्यांच्यासाठी दि. ३ व ४ ऑगस्ट २०२६ रोजी सकाळी ११.०० ते सायंकाळी ५.०० या वेळेत बळीराजा सांस्कृतिक भवन, कृषी उत्पन्न बाजार समिती (शेजारी), वालचंदनगर येथे विशेष ई-केवायसी शिबिराचे आयोजन करण्यात आले आहे.
एजन्सीच्या माहितीनुसार, ई-केवायसी प्रक्रिया पूर्ण न केलेल्या ग्राहकांना भविष्यात एलपीजी गॅस सबसिडी बंद होणे तसेच गॅस कनेक्शनवर परिणाम होण्याची शक्यता आहे. त्यामुळे कोणतीही गैरसोय टाळण्यासाठी संबंधित ग्राहकांनी आवश्यक कागदपत्रांसह शिबिराला उपस्थित राहून ई-केवायसी प्रक्रिया पूर्ण करावी, असे आवाहन करण्यात आले आहे.
ग्राहकांच्या सोयीसाठी आयोजित करण्यात आलेल्या या विशेष शिबिराचा लाभ घेऊन सर्वांनी वेळेत ई-केवायसी पूर्ण करावी, अशी नम्र विनंती अविनाश इंडियन गॅस एजन्सी, वालचंदनगर यांच्या वतीने करण्यात आली आहे.