राष्ट्रीय समाज पक्षाचा बावडा जिल्हा परिषद गटात महामेळावा
विविध ठिकाणी शाखांचे अनावरण
इंदापूर : प्रतिनिधी
पक्ष वाढीबरोबरच आगामी स्थानिक स्वराज्य संस्थांच्या निवडणुकीच्या पार्श्वभूमीवर राष्ट्रीय समाज पक्षाने तयारी सुरु केली असून त्याचाचं एक भाग म्हणून पश्चिम महाराष्ट्रात एक हजार शाखा अनावरण करण्याचा संकल्प हाती घेण्यात आला आहे. त्याच अनुषंगाने अभियानाची सुरुवात पुणे जिल्ह्यातील इंदापूर तालुक्यातुन करण्यात आल्याची माहिती रासपचे पुणे जिल्हा प्रभारी किरण गोफने यांनी दिली.
सतीश तरंगे यांच्या नेतृत्वाखाली व पश्चिम महाराष्ट्र प्रभारी माऊली सलगर, पश्चिम महाराष्ट्र युवक प्रभारी अजित पाटील, पश्चिम महाराष्ट्र अल्पसंख्यांक आघाडीचे प्रभारी शाहिद मुलाणी, पुणे जिल्हा प्रभारी किरण गोफणे यांच्या मार्गदर्शनाखाली इंदापूर तालुक्यातील खोरोची,खरातवस्ती,निरवांगी,रेडणी,बावडा,चाकाटी गावांमध्ये शुक्रवारी ( दि.१० ) नूतन शाखांचे अनावरण करण्यात आले. तसेच या भागात भव्य रॅली काढण्यात आली व बावडा जिल्हा परिषद गटामध्ये मेळावा यशस्वी पार पडला.या मेळाव्यात आगामी स्थानिक स्वराज्य संस्थेच्या इंदापूर तालुक्यातील सर्वच जिल्हा परिषद, पंचायत समितीच्या जागेवर राष्ट्रीय समाज पक्ष स्वबळावर लढवणार असून कार्यकर्त्यांनी तयारीला लागा असे आवाहन करण्यात आले.
यावेळी तानाजी शिंगाडे,शहाजी भाळे, पुणे जिल्हा उपाध्यक्ष सतीश शिंगाडे,गणेश हेगडकर, इंदापूर तालुका प्रभारी निर्मला शिंदे, युवक प्रभारी अभिजीत भाळे, इंदापूर शहराध्यक्ष उमाताई मखरे, आप्पा माने, श्रीनिवास सातपुते, नवनाथ कोळेकर, बजरंग वाघमोडे,मनेश जाधव, सचिन पलंगे, तानाजी मारकड, अविनाश मोहिते, समाधान काशीद, तात्याराम मारकड, गावडे, रणजीत तरंगे, संदीप भिंगारदिवे, विठ्ठल काळे, दयानंद हेगडकर, मंगेश तरंगे,गणेश काशीद उपस्थित होते.
