बारामतीत महावितरण अँक्शन मोडवर वीजचोरीविरूध्द मोहीम; महावितरणने १४४३ जणांवर कारवाई करत ठोठावला सव्वाचार कोटी दंड
कोटी २३ लक्ष रूपये दंड आकारण्यात आला आहे.
बारामतीत महावितरण अँक्शन मोडवर वीजचोरीविरूध्द मोहीम; महावितरणने १४४३ जणांवर कारवाई करत ठोठावला सव्वाचार कोटी दंड
कोटी २३ लक्ष रूपये दंड आकारण्यात आला आहे.
बारामती वार्तापत्र
महावितरणने विजेची वाढती चोरी रोखण्यासाठी कठोर पाऊले उचलली आहेत.बारामती परिमंडळात एप्रिल ते नोव्हेंबर २०२५ या कालावधीत वीजचोरीविरूध्द मोहिम राबवून १४४३ जणांवर कारवाई केली आहे. या प्रकरणात ४ कोटी २३ लक्ष रूपये दंड आकारण्यात आला आहे. मीटरमध्ये छेडछाड वा फेरफार करणे,विजेच्या वाहिन्यांवर आकडे टाकणे,अनधिकृत वीज वापर करणे असे प्रकारे वीजचोरी आढळून आली.
भारतीय विद्युत कायदा २००३ नुसार कलम १३५ व १३६ अन्वये कारवाई करण्यात आली आहे. वीज ग्राहकांनी क्षणिक आर्थिक लाभासाठी गैरप्रकाराचा अवलंब करू नये केवळ अधिकृत वीजवापर करावा, असे आवाहन महावितरणकडून करण्यात आलं आहे. वीजचोरीप्रकरणी बारामती मंडळात २३९ जणांवर कारवाई करून १ कोटी ११ लक्ष रूपये दंड, सातारा मंडळात २९४ जणांवर कारवाई करून ६३ लक्ष ५५ हजार रूपये दंड तर सोलापूर मंडळात ९१० जणांवर कारवाई करून २ कोटी ४८ लक्ष रूपये दंड आकारण्यात आला आहे.
वीजचोरीप्रकरणी कारवाई आकडेवारी पुढीलप्रमाणे आहे.
बारामती मंडळातील बारामती विभागात ८४ प्रकरणी १६ लक्ष ४५ हजार रूपये, केडगाव विभागात १४९ प्रकरणी ८५ लक्ष २८ हजार रूपये तर सासवड विभागात ६ प्रकरणी १० लक्ष रुपये दंड आकारण्यात आला आहे. सातारा मंडळातील कराड विभागात ६९ प्रकरणी २३ लक्ष २२ हजार रूपये, फलटण विभागात ६८ प्रकरणी ४ लक्ष ३१ हजार रूपये, सातारा विभागात ६० प्रकरणी ७ लक्ष ९६ हजार रूपये, वडूज विभागात ६८ प्रकरणी २२ लक्ष १८ हजार रूपये तर वाई विभागात २९ प्रकरणी ५ लक्ष ८८ हजार रुपये दंड आकारण्यात आला आहे.
सोलापूर मंडळातील अकलूज विभागात ९६ प्रकरणी ५६ लक्ष ७५ हजार रूपये, बार्शी विभागात २२२ प्रकरणी ५० लक्ष २३ हजार रूपये, पंढरपूर विभागात ३५७ प्रकरणी ६४ लक्ष ६८ हजार रूपये, सोलापूर ग्रामीण विभागात ११० प्रकरणी १५ लक्ष ९८ हजार रूपये तर सोलापूर शहर विभागात १२५ प्रकरणी ६० लक्ष ८४ हजार रुपये दंड आकारण्यात आला आहे.
