राजकीय

अजितदादांच्या आठवणींना उदय सामंतांचा उजाळा! बारामतीतील स्मृतिस्थळी जाऊन अर्पण केली आदरांजली!

अजितदादांचे कार्य, त्यांच्या आठवणी आणि बारामतीच्या विकासातील त्यांचे योगदान कायम स्मरणात राहील

अजितदादांच्या आठवणींना उदय सामंतांचा उजाळा! बारामतीतील स्मृतिस्थळी जाऊन अर्पण केली आदरांजली!

अजितदादांचे कार्य, त्यांच्या आठवणी आणि बारामतीच्या विकासातील त्यांचे योगदान कायम स्मरणात राहील

बारामती वार्तापत्र 

राज्याचे उद्योगमंत्री उदय सामंत यांनी बारामती येथील विद्या प्रतिष्ठान परिसरातील दिवंगत उपमुख्यमंत्री अजित पवार यांच्या स्मृतिस्थळाला भेट देत भावपूर्ण आदरांजली अर्पण केली. यावेळी त्यांनी अजितदादांच्या स्मृतींना उजाळा देत विनम्र अभिवादन केले.

उद्योगमंत्री उदय सामंत यांनी विद्या प्रतिष्ठान येथील स्मृतिस्थळी पोहोचल्यानंतर दिवंगत अजित पवार यांच्या स्मृतींना अभिवादन केले. अजितदादांच्या आठवणींशी जोडलेल्या या ठिकाणी भेट देत त्यांनी त्यांच्याप्रती आदर व्यक्त केला. या भेटीदरम्यान वातावरण भावपूर्ण झाले होते.

दिवंगत अजित पवार यांचे बारामतीशी अतिशय जिव्हाळ्याचे नाते होते. बारामतीच्या विकासासाठी त्यांनी आयुष्यभर दिलेले योगदान, विकासकामांबाबतची तळमळ, प्रशासनावरील पकड आणि सर्वसामान्य नागरिकांशी असलेला थेट संवाद यामुळे त्यांनी बारामतीच्या सार्वजनिक जीवनात वेगळी ओळख निर्माण केली होती.

राज्याच्या राजकारणातही अजितदादांनी आपल्या कार्यशैलीचा स्वतंत्र ठसा उमटवला होता. त्यांच्या अकाली निधनाने बारामतीसह संपूर्ण महाराष्ट्राच्या राजकीय आणि सामाजिक क्षेत्रात मोठी पोकळी निर्माण झाली. आजही त्यांच्या आठवणी, त्यांनी केलेली विकासकामे आणि बारामतीसाठी पाहिलेली स्वप्ने नागरिकांच्या स्मरणात आहेत.

अजितदादांच्या निधनानंतर विविध क्षेत्रांतील राजकीय नेते, पदाधिकारी आणि मान्यवर बारामतीतील त्यांच्या स्मृतिस्थळी भेट देऊन आदरांजली अर्पण करत आहेत. याच पार्श्वभूमीवर उद्योगमंत्री उदय सामंत यांनीही स्मृतिस्थळी भेट देत अभिवादन केले.

अजितदादांचे कार्य, त्यांच्या आठवणी आणि बारामतीच्या विकासातील त्यांचे योगदान कायम स्मरणात राहील, अशा भावना या भेटीच्या निमित्ताने व्यक्त होत आहेत.

Back to top button