मोठी बातमी : माळेगाव कारखान्याने सभासदांना प्रतिटन १०० रू. कांडे पेमेंट घोषणा अध्यक्ष बाळासाहेब तावरे यांची माहिती
कारखान्याच्या आजी माजी संचालकांनी कांडे बिल प्रतिटनी शंभर रुपये व सभासदांकरिता शंभर रुपये प्रतिटनी उचल द्यावी अशी मागणी केली होती.
मोठी बातमी : माळेगाव कारखान्याने सभासदांना प्रतिटन १०० रू. कांडे पेमेंट घोषणा अध्यक्ष बाळासाहेब तावरे यांची माहिती
कारखान्याच्या आजी माजी संचालकांनी कांडे बिल प्रतिटनी शंभर रुपये व सभासदांकरिता शंभर रुपये प्रतिटनी उचल द्यावी अशी मागणी केली होती.
बारामती वार्तापत्र
माळेगाव साखर कारखान्याचे प्रतिटन १०० रू. कांडे पेमेंट जाहीर अध्यक्ष बाळासाहेब तावरे यांची माहिती
बारामती तालुक्यातील माळेगाव सहकारी साखर कारखान्यांने गाळप हंगाम सन २०२०- २१ मध्ये तुटून गेलेल्या उसापोटी सभासदांना प्रतिटन १०० रुपये कांडे पेमेंट देण्याचे जाहीर केले.शुक्रवार दि.११ रोजी झालेल्या संचालक मंडळाच्या बैठकीत निर्णय झाल्याचे अध्यक्ष बाळासाहेब तावरे यांनी सांगितले.यावेळी उपाध्यक्ष तानाजी कोकरे,सर्व संचालक,कार्यकारी संचालक राजेंद्र जगताप आदी उपस्थित होते. कारखान्याने यापूर्वी यंदाच्या गाळप हंगामात तुटून आलेल्या उसाला एफ आर पी प्रमाणे २४५९ रुपये प्रतिटन शेतकरी सभासदांना दिले आहेत.माळेगाव साखर कारखाने यंदाच्या गाळप हंगामात विक्रमी ऊस गाळप केले आहे.यामध्ये १२ लाख ६७ हजार मे. टन उसाचे गाळप करून १४ लाख १५ हजार साखर पोत्याचे यशस्वी उत्पादन घेतले आहे.
कालच कारखान्याच्या आजी माजी संचालकांनी कांडे बिल प्रतिटनी शंभर रुपये व सभासदांकरिता शंभर रुपये प्रतिटनी उचल द्यावी अशी मागणी केली होती.
सध्या कोरोनाच्या काळात शेतकऱ्यांपुढे प्रचंड अडचणी निर्माण झाल्या आहेत. अशा परिस्थितीत ऊस उत्पादकांना नवीन उसाची लागवड करण्यासाठी कारखान्याने प्रोत्साहन द्यावे. त्याचबरोबर कारखान्याने मागील वर्षी देखील कांडेबिल दिले नव्हते. आता यावर्षी कांडेबिल द्यावे अशी मागणी संचालकांनी केली होती. त्या पार्श्वभूमीवर आज होणाऱ्या सभासद संचालक मंडळाच्या सभेत संचालक मंडळ काय निर्णय घेणार, याकडे सभासदांचे लक्ष होते. कारखान्याने शंभर रुपये प्रतिटनी देण्याची घोषणा केली.
