खडकी ता.दौंड येथून सराईत गुन्हेगाराकडून २ तलवारी जप्त : पुणे ग्रामीण एलसीबी शाखेची कामगिरी

खडकी ता.दौंड येथून सराईत गुन्हेगाराकडून २ तलवारी जप्त : पुणे ग्रामीण एलसीबी शाखेची कामगिरी

२ तलवारी व १ मोबाइल असा एकुण किं.रु. १४,०००/- चा मुद्देमाल हस्तगत

क्राईम; बारामती वार्तापत्र

आज दिनांक ११/०६/२०२१ रोजी मा.पोलीस अधीक्षक सो यांचे आदेशाने फरारी पाहिजे आरोपीचा शोध घेत असताना LCB टिमने पोलीस निरीक्षक श्री.पद्माकर घनवट सो. यांचे मार्गदर्शनाखाली मिळालेल्या बातमीनुसार, दौंड पोलीस स्टेशन हद्दीत मौजे खडकी ता.दौंड जि.पुणे येथे पुणे-सोलापूर लगत संकेत स्वीट समोर संशयास्पदरित्या मिळून आलेला इसम नामे

दत्ता उर्फ महाराज सोनबा मरगळे वय २० वर्षे रा.मलठण, चिलोबा वस्ती, ता.दौंड जि.पुणे यास ताब्यात घेवून त्याचेकडून बेकायदा, विनापरवाना बाळगलेल्या २ तलवारी व १ मोबाइल असा एकुण किं.रु. १४,०००/- चा मुद्देमाल हस्तगत केलेला आहे. आरोपीविरुद्ध भारतीय हत्यार कायदा कलम ४,२५ महाराष्ट्र पोलीस अधिनियम कलम १३५ प्रमाणे कारवाई करण्यात आलेली आहे. जप्त मुद्देमाल व आरोपी वैद्यकिय तपासणी करून दौंड पोलीस स्टेशनचे ताब्यात दिलेला आहे.

सदर आरोपी याच्यावर यापूर्वी भोसरी पोलीस स्टेशन (पिंपरी चिंचवड) येथे अग्निशस्त्र बाळगले बाबत आर्म ॲक्ट क. ३,२५ प्रमाणे गुन्हा दाखल आहे.

सदरची कामगिरी ही मा.पोलीस अधीक्षक डॉ.अभिनव देशमुख सो., बारामती विभाग अपर पोलिस अधीक्षक श्री.मिलींद मोहिते सो. यांच्या मार्गदर्शनाखाली स्थानिक गुन्हे शाखेचे पोलिस निरीक्षक श्री.पद्माकर घनवट,सपोनि सचिन काळे,पोहवा. महेश गायकवाड, पोहवा. निलेश कदम, पोहवा. सचिन गायकवाड,पोहवा. सुभाष राऊत, पो.ना. गुरु गायकवाड,पो.ना. अभिजित एकशिंगे यांनी केलेली आहे.