विद्या प्रतिष्ठानचे कमलनयन बजाज अभियांत्रिकी महाविद्यालय बारामती येथील विद्युत विभागातर्फे आयोजित “प्रकल्पावर आधारित लर्निंगवर पोस्टर सादरीकरण स्पर्धा” यशस्वी संपन्न.
या कार्यक्रमाचे मुख्य उदिष्ट्ये विद्यार्थ्यांमध्ये जिज्ञासू वृत्ती जागृती व्हावी
विद्या प्रतिष्ठानचे कमलनयन बजाज अभियांत्रिकी महाविद्यालय बारामती येथील विद्युत विभागातर्फे आयोजित “प्रकल्पावर आधारित लर्निंगवर पोस्टर सादरीकरण स्पर्धा” यशस्वी संपन्न.
या कार्यक्रमाचे मुख्य उदिष्ट्ये विद्यार्थ्यांमध्ये जिज्ञासू वृत्ती जागृती व्हावी
बारामती वार्तापत्र
विद्या प्रतिष्ठानचे कमलनयन बजाज अभियांत्रिकी महाविद्यालय बारामती येथील विद्युत अभियांत्रिकी विभाग, इलेक्ट्रिकल स्टुडंट्स असोसिएशन यांच्या संयुक्त विद्यमाने ३० मे २०२२ सकाळी १० ते ३.३० या वेळेत द्वितीय वर्षाच्या विद्यार्थ्यांसाठी “प्रकल्पावर आधारित लर्निंगवर पोस्टर सादरीकरण स्पर्धा” आयोजित केली. द्वितीय वर्षाच्या विद्यार्थ्यांनी विद्युत वाहने, मायक्रोग्रीड, अक्षय ऊर्जा संसाधने, IOT, आणि स्विच गीअर्स यांसारख्या विविध संशोधन क्षेत्रातील पोस्टर्स आणि प्रकल्प सिम्युलेशन आणि हार्डवेअर यावर आधारित प्रकल्प व पोस्टर सादरीकरण सादर केले.
या कार्यक्रमाचे उदघाटन महाविद्यालयाचे प्राचार्य डॉ. आर. एस. बिचकर यांच्या हस्ते करण्यात आले. या कार्यक्रमासाठी डॉ. सुधीर लांडे, डॉ. दिनेश हंचाटे, डॉ. अनिल हिवरेकर, श्री. रोहित तरडे, श्री. विशाल कोरे, श्री. सूरज कुंभार, प्रसार माध्यम विभागाचे श्री. सुनिल भोसले हे सर्वजन उपस्थित होते.
हि स्पर्धा यशस्वीपणे पारपडण्यासाठी ELESA चे सर्व समन्वयक, विद्युत अभियांत्रिकी विभागातील प्राध्यापक यांनी विशेष सहकार्य केले.
या कार्यक्रमासाठी द्वितीय वर्षाच्या विद्युत अभियांत्रिकीच्या १९ प्रकल्प गटाने सहभाग नोंदविला होता. यासाठी तज्ञ प्राध्यापकांनी पोस्टर्स, प्रकल्प, सादरीकरणे आणि अहवालांच्या गुणवत्तेवर आधारित विद्युत विभागातील प्रकल्पांचे मूल्यमापन केले.
या कार्यक्रमाचे मुख्य उदिष्ट्ये विद्यार्थ्यांमध्ये जिज्ञासू वृत्ती जागृती व्हावी तसेच त्यांच्यामधील सुप्त गुणांचा विकास होऊन त्यांच्या मधून उद्याचे भावी संशोधकवृतीचे अभियंते तयार व्हावेत हा होता. या नाविन्यपूर्ण उपक्रमाचे संस्थेच्या विश्वस्त सुनेत्रा पवार, उपाध्यक्ष श्री. अशोक प्रभुणे, सचिव निलीमाताई गुजर, खजिनदार श्री. युगेंद्र पवार, विश्वस्त डॉ. राजीव शहा, श्री. मंदार सिकची, श्री. किरण गुजर, रजिस्टार श्री. श्रीश कंभोज या सर्वांनी विशेष कौतुक केले.
