‘सन्मान हा पदाचा नसून कार्याचा असतो’; इंदापुरात दीपक केदार यांचा सामाजिक कार्यकर्त्यांकडून गौरव

सामाजिक संघटनांनी अधिक प्रभावीपणे एकत्र येण्याची गरज

इंदापूर,आदित्य बोराटे –

“सन्मान हा पदाचा नसतो, तर समाजासाठी केलेल्या कार्याचा असतो,” या भावनेतून माळशिरस येथील गोळीबार प्रकरणातील पीडिताची भेट घेण्यासाठी जात असताना दलित पँथर सेनेचे अध्यक्ष दीपक केदार यांचे इंदापूर येथे सामाजिक कार्यकर्ते सुहास मखरे व मित्र परिवाराच्या वतीने उत्स्फूर्त स्वागत व सत्कार करण्यात आला.

यावेळी झालेल्या संवादात समाजातील अन्यायग्रस्तांना न्याय मिळवून देण्यासाठी सामाजिक संघटनांनी अधिक प्रभावीपणे एकत्र येण्याची गरज व्यक्त करण्यात आली. सामाजिक सलोखा, संविधानिक मूल्यांचे जतन, युवकांचा सामाजिक कार्यातील सहभाग तसेच वंचित घटकांच्या प्रश्नांवर संवेदनशीलपणे काम करण्याबाबत सविस्तर चर्चा झाली.