“पवार विरुद्ध पवार” असे चित्र होऊ देणार नाही;युगेंद्र पवार स्पष्ट केले

“पवार विरुद्ध पवार” असे चित्र होऊ देणार नाही;युगेंद्र पवार स्पष्ट केले

राजकारणापेक्षा कुटुंबाला प्राधान्य

बारामती वार्तापत्र 

बारामतीमधील राजकीय वातावरणात युगेंद्र पवार यांचे हे विधान अत्यंत महत्त्वाचे मानले जात आहे. गेल्या काही काळापासून पवार कुटुंबात पडलेल्या राजकीय फुटीच्या पार्श्वभूमीवर त्यांनी ‘कौटुंबिक ऐक्याचा’ जो संदेश दिला आहे, त्याची सध्या मोठी चर्चा सुरू आहे.

मिळालेल्या माहितीनुसार निवडणूक ही वैचारिक पातळीवर असू शकते, पण कौटुंबिक स्तरावर ‘पवार विरुद्ध पवार’ असा सामना होऊ देणार नाही, युगेंद्र पवार यांनी स्पष्ट केले. राजकीय विचार भिन्न असले तरी पवार कुटुंब वैयक्तिक पातळीवर आजही एकत्र आहे आणि ते ऐक्य टिकवून ठेवण्याचा आमचा प्रयत्न असेल, असे त्यांनी आवर्जून सांगितले.

नेत्यांमधील राजकीय मतभेदांमुळे कार्यकर्त्यांनी आपसात भांडू नये किंवा कुटुंबात दुरावा येईल असे वर्तन करू नये, असा सूचक इशाराही त्यांनी दिला. ‘पवार’ या नावाशी बारामतीकरांचे भावनिक नाते आहे. कौटुंबिक ऐक्याच्या गोष्टीमुळे मतदारांमध्ये सकारात्मक संदेश जातो. तसेच कुटुंबातील तरुण पिढीने सामंजस्याची भूमिका घेतल्यामुळे राजकीय विरोधकांना टीकेसाठी फारशी जागा उरत नाही.

आता निवडणुकांच्या पार्श्वभूमीवर युगेंद्र पवार यांची ही भूमिका पवार कुटुंबातील अंतर्गत संघर्ष कमी करण्याच्या दिशेने एक मोठे पाऊल मानली जात आहे. थोडक्यात सांगायचे तर युगेंद्र पवार यांनी राजकारणापेक्षा कुटुंबाला प्राधान्य देत बारामतीची ‘पवार’ ही ओळख अखंड ठेवण्याचा प्रयत्न केला आहे.