बारामतीत गुरुवारी नियोजित वीजपुरवठा खंडित; नागरिकांना पूर्वतयारीचे आवाहन

बारामतीत गुरुवारी नियोजित वीजपुरवठा खंडित; नागरिकांना पूर्वतयारीचे आवाहन

सकाळी १०.०० ते सायंकाळी ५.०० या वेळेत

बारामती वार्तापत्र

महावितरणकडून बारामती शहरातील वीज वितरण व्यवस्थेच्या देखभाल व दुरुस्तीच्या पार्श्वभूमीवर गुरुवार, दिनांक ७ मे २०२६ रोजी नियोजित वीजपुरवठा खंडित करण्यात येणार असल्याची माहिती देण्यात आली आहे. या दिवशी सकाळी १०.०० ते सायंकाळी ५.०० या वेळेत शहरातील काही भागांमध्ये विद्युत पुरवठा तात्पुरता बंद राहणार आहे.

महावितरणच्या अधिकाऱ्यांनी दिलेल्या माहितीनुसार, वीज यंत्रणेमध्ये आवश्यक तांत्रिक सुधारणा, देखभाल आणि दुरुस्तीची कामे हाती घेण्यात येणार आहेत. यामुळे भविष्यातील संभाव्य बिघाड टाळणे, तसेच ग्राहकांना अधिक स्थिर आणि सुरळीत वीजपुरवठा देणे हा उद्देश आहे.

वीजपुरवठा खंडित राहण्याच्या कालावधीत घरगुती तसेच व्यावसायिक ग्राहकांनी आवश्यक ती पूर्वतयारी करून ठेवावी, असे आवाहन करण्यात आले आहे. विशेषतः पाणी साठवण, इलेक्ट्रॉनिक उपकरणांचे संरक्षण, तसेच आवश्यक कामांचे नियोजन आधीच करून ठेवण्याचा सल्ला देण्यात आला आहे.

महावितरणने नागरिकांकडून सहकार्याची अपेक्षा व्यक्त केली आहे.नियोजित कामे वेळेत पूर्ण करून शक्य तितक्या लवकर वीजपुरवठा सुरळीत करण्याचा प्रयत्न केला जाईल,असेही सांगण्यात आले आहे.